Nongpoh, Jylliew 06:
Ka jingpyndonkam iaki pisa thok ban shukor iaki padibah ha iew ha hat ha ki bynta kylleng jong ka Ri India kam dei shuh kaba dang thymmai, hynrei kaba kham sngew khia ka long ba ha kine ki sngi kiba mynta kane ka jingpyndonkam iaka pisa thok ka la sdang ban mih pyrthei ruh hapoh ka sor Nongpoh.
Ia kane ka kyrwoh la thoh ba hadien u Nonglum khubor u la ioh ban ia kren bad uwei u Nongdie dukan khutia mutia ha Nongpoh u bym shem la kwah ban pynpaw iaka kyrteng ne iaka dur, “la iathuh ba u la shah shukor ha ki briew ki bym shem la lah shuh ban kynmaw da ka pisa shispah tyngka hakaba ki la wan ban thied jingthied naka dukan jong u bad ai da kata ka pisa thok.
U la iathuh ha kaba nyngkong um shem la lah ban ithuh ia katei ka pisa thok kaba shi spah tnygka dei tad haduh kapor khang dukan bad lum iaka pisa la lap ia katei ka pisa shispah tyngka kaba u la shah shukor ha kapor bym poi pyrkhat.
U la iathuh ruh ba kane kam dei kaba la jia tang shisien, ka la don ka sien kaba ki nongthied jingthied ki la ai daka pisa kaba san spah tyngka hynrei naka liang jong u, u la lah ban ithuh noh kloi ba katei ka pisa San Spah tyngka kaba dei ka pisa thok bad u la pynphai noh mar mar hangta.
