Nongpoh, Jylliew 22: Ban ïalap halor ka jingdonkam ban don ïa ka met ka phad kaba koit kaba khiah lyngba ka jingmlien ban kilan met, ka Ri Lajong Farmers Produce Organization, Ri Bhoi District lem bad kiwei kiwei ki seng ka la pynlong ïa ka jingrakhe ïa ka International Yoga Day ha ka 21 tarik u Jylliew ha Gladden Tower Nongpoh.
Ha kane ka jingrakhe ïa kane ka International Yoga Day la wabn ban shim bynta lang da ka Kong Marian Maring kum ka President katei ka seng ki nongrep bad kiwei kiba la ïa don lang ki kynthup ïa u Madhav Singh, u L.K Singh, Manin Raja, Sabestian Makri, Gabriel Maring, Kong Sukh Toor, Paralad Toor bad kiwei kiwei ki nongrep.
Pule ruh: Shillong–Pynursla–Dawki Road Cut Off Again After Fresh Landslide Triggered by Heavy Rain
Kane ka seng ki nongrep na Ri Bhoi ka la ju rakhe man u snem ïa kane ka international Yoga Day bad kum ka seng ka ju kyntu ruh ïa ki para nongrep ba kin mlien ban kilan met bad khamtam ban ïalehkai yoga, kaba dei kawei na ka rukom kilan met kaba ai jingkoit jingkhiah ïa ki briew.
Na ka liang kitei ki nongïalam, ha kane ka sngi ba la rakhe ïa kane ka International Yoga Day, ki la phah ruh ka khubor kyrpang sha baroh ki nongrep bad ki paidbah ba lada ngi kwah ban long kiba koit ba khiah, ngi dei ban pynmlien ban ïalehkai Yoga, namar ka jingïalehkai Yoga ka dei kawei na ka jingïalehkai ba la paw ha ka pyrthei bad kiba ai jingkoit jingkhiah lada pynlut por ban ïalehkai man la ka sngi.
Peit ruh:
