SHILLONG, JUL 14: Ki ar tylli ki seng bhalang na Rilum Jaintia ba kynthup ia ka Jaintia National Council bad ka Jaintia Students’ Union mynta ka sngi ki la iaid paidbah bad tur syndon sha ka ophis ka Jaintia Hills Autonomous District Council ban dawa shim khia mardor halor ka jingkynnoh kyntur jaka jong ki shnong ba hap haka Elaka Nongkhlieh, East Jaintia Hills.
Ha kane ka jingleit tur sha ka ophis ka JHADC, kitei ki seng ki la buh ruh da ka jingdawa ba dei ban weng mardor ia u Dolloi ka Elaka Nongkhlieh.
Na ka liang ka JNC bad JSU ki la kynnoh ruh ba u Dolloi u la pynkhein ia ka ain jong ka District Council da kaba ailad ia ka mining project ha Lum Syrman khlem da bun ia ki kyndon ne katkum ki lynti ka ain.
Kitei ki 2 seng ki la kynnoh ruh ba ki Dalal jong ka Shree Cement ki la kyntur pud sha ki jaka shnong kiba dei naduh ki longshuwa ki manshwa bad ba la long trai da ki Nongshong shnong ka Elaka Nongkhlieh bad ba la kynnoh ruh ba la leh buit tuh da u Dolloi.
Ki la kyrpad ruh ia ka JHADC ban shim khia mardor ban iada ia ki khyndew ki shyiap ba long trai da ki trai shnong.
Ki nongialam ka JNC bad JSU ryngkat ki nongshong shnong ka Elaka Nongkhlieh ki la ia snoh kti lang ban leit tur sha ka ophis ka JHADC bad ki la rai ruh ban iakhun beit na ka bynta ban iada ia ki khyndew ki shyiap jong ki trai shnong bad kin nym ailad ban shul eh don bor ia ki khyndew ki shyiap jong ki trai shnong.
Peit ruh:https:
