Shillong, Naitung 14: Ka Khasi Students’ Union (KSU), Shillong Mihngi Circle mynta ka sngi ka la leit khang tala syndon ia kawei ka Mandir ba la kynnoh shna beain kaba don hapoh ka ophis ka CBI bad ki nongialam ka KSU ki la leit ban khang tala ka dei hadien ba ym don ka jingseisoh ha ka jingkynduh ia u DIG ka CBI ban ia kren halor katei ka Mandir bad ba la pynban ka jingiania bad ka jingiatai kaba jur.
Ha kane ka jingleit kynduh ia u DIG ka CBI la ialam da u Assistant Organizing Secretary ka Central executive Committee u Samla Jeremiah Pohthmi bad ryngkat ki dkhot bad hadien ka jingbym seisoh ka jingiakren bad utei u DIG ka CBI ka seng ka la shim syndon da kaba tyngeh ban khang tala ia katei ka Mandir.
Haba kren halor kane ka jingkynnoh tei beain ia katei ka Mandir, u Samla Jermiah Pohthmi, u la iathuh ba ka jingkynduh ia utei u DIG ka CBI kam shym la poi shano shano ruh bad la mih pynban ka jingiania bad ka jingiatai kaba jur kaba la pynbitar ia ka seng haduh ba ka seng ka la leit syndon ban khang tala ia katei ka Mandir.
U la ong ruh ba ki nongialam ka seng ha ki snem ba la dep ki la dep ban leit ban ia kren ba ki heh ophisar ka CBI ban ia kren halor katie ka jingtei ia ka Mandir ha kaba ki la pynthikna ba kan nym don shuh ka jingtei, hynre tang ha ki khyndiat sngi ka seng ka la ioh jingtip bad ka la leit ruh ban jurip halor ka jingsdang biang ban tei bbad ban pyndep ia katei ka Mandir hajan ophis ka CBI kaba don ha Nongbah Shillong.
Peit ruh:
Namarkat, u la ong ruh kumba ka seng ka la khang tala mynta ka sngi bad ka ai por ruh hapoh shi taiew ban sangeh shi syndon ban tei ia katei ka mandir bad ban pynpra noh, hynrei lada ki dang bteng ban tei ia katei ka Mandir ha ki jaka ophis sorkar ka seng kan shim syndon da ki lad kiba tyngeh, u la bynrap.
