SHILLONG, SEPT 15: La jan kynjoh sha ka 8 bnai kyntih ba u Dr. Ricky A.J Syngkon kum u MP ka Shillong Parliamentary Constituency u la khlad noh ha ka 19 tarik u Rymphang 2026 ha kaba la dei ban pynlong ia kata ka election shiteng samoi, hynrei mynta ka sngi na ka liang u Chief Electoral Officer ka Meghalaya u BDR Tiwari u la ong ba ia ka MP election shiteng samoi yn sa pynbna tad haduh ab la dep lut ia ka jinglum kyrteng ia ki electoral roll katkum ka Special Intensive Revision.
Haba kylli ia ka tarik jong ka MP election shiteng samoi ba la jan poi sa ki aiom lehkmen, u Tiwari u la ong ba um lah ban ong ei ei ia ka tarik bad ka rai kaba khatduh hi ka dei ha ka Election Commission of India.
“ Katkum ka jingai ksai na ka election commission ka ri India, hadien ba la dep pura ia ka jinglum kyrteng katkum ka Special Intensive Revision, ka Commission kan sa shim ia ka rai bad ia ka tarik jong ka election yn sa pynbna hi da ka Election Commission of India” ong u Tiwari.
Shuh shuh, u la bynrap ruh kumba long haduh mynta ym lah ban kren ne ong ei ei halor ka tarik jong ka election bad ka rai kaba khatduh hi ka dei ha ka election Commission of India, u la bynrap.
Peit ruh:
[…] Pule ruh: La 8 Bnai Ba Khlad U Dr. Ricky, Ym Pat Tip Tarik Election, Lah Ban Pynbna Hadien Ba Dep Ka… […]