Ha ka 10th Convocation ka skulbah USTM kaba la long mynta ka sngi ha Central Auditorium Hall katei ka skulbah, u Bah Lou Majaw ruh kum uwei u simpah simsong ka jylla, uba la paw bha ha ka jylla bad ka ri kum u Bob Dylan mynta ka sngi u la ioh pdiang ia ka kyrdan Doctor of Literature na katei ka skulbah, kaba dei halor ka Nongrim ba u la noh synniang ban kyntiew halor ka put ka tem bad ka rwai ka siaw hapoh ka jylla Meghalaya.
Ha kane ka sngi, nalor u Bah Lou Majaw bad u Zubeen Garl kiba la shah pynkup burom ia kane ka kyrdan, la pynkup burom ruh ia ki hajar ngut ki samla pule kiba la pyndep ia ki degree, post graduate bad kiba la pyndep ia ka kyrdan Ph.D.
La ioh ruh ba ia kren bad u Bah Lau Majaw, hadien ba u la ioh pdiang ia katei ka kyrdan Doctor of Literature na katei ka skulbah bad kaei kaba u la pynpaw ba ka long ka jingkmen ban ioh ia kane ka kyrdan bad kum ka khubor kaba u kwah ban ai sha ki paidbah kiba kwah ban kiew ha ki liang baroh kaba nyngkong eh kaba ki dei ban don ha ka jingim, ka long ban don ia kata ka akor ka burom.
U ban khia ruh halor ki ar tylli ki bynta jong ka jingim, da kaba pyndonkam ia ka kyntien lyngkar bad adkar bad kino kino kiba kwah ban kiew ha ka jingim, ki dei ban long adar bad kiba kwah pat ban nym poi sha ka thong jong ka jingim, ki im ha ka jingim kaba lyngkar.
