U Bryan Adams kum uwei u khlur nongrwai ba paw nam ha ka pyrthei un sa wan ban pynkhih win lyngba ki jingrwai bapher bapher jong u, ha India kynthup ha Nongbah Shillong.
Ia kane ka jingangnud une u khlur nongwai ba paw ka pyrthei, ban wan iuh kjat ha ka ri India, ka dei hi kaba u la pynpaw da lade lyngba ka, ‘So Happy It hurts World Tour’, ha kaba ha kane ka jingwan jong u sha ka ri India un sa pynkhih win lyngba ki jingrwai jong u, haduh 5 tylli ki rynsan ne ki jaka ba un rwai ha ki jylla kiba u la jied kaba kynthup ruh kawei ka rynsan rwai ha nongbah Shillong.
Kumba la pynbeit ne khmih lynti bad ruh ba ki paidbah ka jylla Meghalaya ki la angnud ban iohi ia une u khlur nongrwai ba paw ka pyrthei, une u nongrwai un sa wan ban rwai ha Nongbah Shillong ha ka 10 tarik u Nohprah 2024.
