Ka Seng Hynniewtrep Youth Council (HYC) North West Khasi Hills District, ha ka 7 tarik u Risaw 2024 ka la leit ban ia kynduh ia ka Deputy Commissioner ka Eastern West Khasi Hills District, ka Mitali Chandra ban iakren halor ki ar tylli ki mat kiba kongsan naka bynta ki samla wad kam jong ka District.
Ha ka jingialam u President u Samla Joplang Kharnanaior, lem bad ki dkhot ka HYC kala pynpaw ruh ia ki katto katne tylli ki jingdonkam ba dei ban leh na ka bynta ki samla jong ka District, kiba kynthup ban pynlait paidbah noh ia ki post ba laitkam ha man la ki tnad treikam ka sorkar khnang ba kan don noh ka examination thungkam lyngba ka DSC ka ban long ka jingplie lad plie lynti ia ki samla kiba ym donkam don jam hapoh ka District.
Ha kawei ka bynta, ka seng nalor ba ka la pynsngew ia kitei ki mat sha ka Deputy Commissioner ka Eastern West Khasi Hills District ba kan shim khia na ka bynta ki lad ioh kam ioh jam ki samla ha ka Disrtict, ka la pynpaw ruh ia ka jingsngewkhia halor ka jingkynrei u drok hapoh ka District kaba la ktha ia kiba bun ki khun samla. Ka seng ka la dawa ruh na ka DC ba kan thaw lad naka bynta ban pynioh ia ka rehabilitation center hapoh ka District ka ban long ka jingmyntoi ia ki khun samla kiba la ngop ha u drok.
