U Myntri rangbah ka jylla u Conrad K. Sangma ryngkat u Symbut Myntri ka jylla u Bah Sniewbhalang Dhar mynta ka sngi ki la hiar sha rilum Garo na ka bynta ban leit jngoh ia ki lanot ba shah ktah ha ka bor mariang kaba la jia ha kine ki sngi, kaba dei na ka jingther u lapbah bad ruh ka jingtwa khyndew kaba la shim ruh ia ki mynsiem ba kordor.
U Myntri rangbah ka jylla u Conrad K. Sangma bad u Symbut Myntri ki la leit jngoh ia ka longing ha Sorokpara, Dalu kiba la duh noh ia u khun Miando P. Marak, uba la duh ia la jingim na ka jingtwa khyndew.
Ha kane ka sngi, na ka laing u Myntri rangbah u la leit ruh ban jurip ha West bad South Garo Hills kiba la shah ktah jur na ka jingktha ka bor mariang ba la duh lut ki ing ki sem, ki jingthung jingtep bad ruh ki mynsiem ba kordor kumba la mih ha ki lad pathai khubor.
Ha kane ka sngi u Myntri rangbah u la lum ruh ia ka jingialang ban ia tai bad ban ia kren halor ki lad jingiarap ba dei ban thikna ban poi sha kito ki lanot ba la shah ktah ha ka bor mariang ha ki bynta jong ka rilum Garo.
Shuh shuh, ha kan ka sngi la pynthikna ruh ban iarap kawei ka longing kaba la duh ia la ki baieit bathoin ha katei ka jingjia kaba long Rs 4 lak tyngka, kaba dei ka lad ai jingiarap na ka sorkar bad ka sorkar ka la pynkhreh ruh ban iarap sha baroh kito kiba la shah ktah ha katei ka jinglynshop ka bor mariang.
Ha kane ka sngi, na ka liang u Myntri rangbah ka jylla, u Conrad K. Sangma nalor ka jingleit jurip bad ban pynthikna ba ki song jingiarap ki dei ban poi sha kito ki longing ba la shah ktah, u la phah ruh ka khubor sngewlem sha ki longing jong kito kiba la duh ia la kiba ieit ba thoin bad ruh kiba la shah pynjot ki ing ki sem bad ki jingthung jingtep.
U la kyntu ruh ia ki ophisar sorkar ha ka jingiakynduh lang ba ki dei ban pynsted ban pynpoi ai ki song jingiarap sha baroh kito ki longing ba la shah ktah, nalor ka song pisa kaba T. 4 lak kawei ka longing kaba la duh ia la kiba ieit ba thoin ha kane ka jingwan lynshop ka bor mariang ha Ri lum Garo.
