National: Ha kawei na ka jingjia ba sngewsih kaba khlem da poi pyrkhat, iwei u heprit ba dang 18 bnai ka rta I la duh syndon ia ka jingim hadien ba I la shah tynrah kynsan ha kawei ka Kali kaba dang pynher sted bha ha ka surok.
Kane ka jingjia ka la jia hynnin ka sngi Balang ha Motihari-Dhaka kaba dei ka surokbah ba hap ha Chhatauri Police Station ha ka jylla Bihar.
Ine I heprit shynrang ba la duh noh ia la ka jingim ha kane ka jingshah tynrah ha ka ka Kali la tip kyrteng kum u Saket ba shong basah ha katei ka thain ba hap ha Chhatauri Police Station.
Kumba la pynpaw da ki riew paidbah, la ong ba itei I heprit I la ngat ha katei ka apot ha ka por ba I dang lehkai kaba I la mih sha ka surok bad katei ka Kali ha ka jingpynher sted ka la tynrah ia i. ine I heprit I la duh syndon ia ka jingim ha katei ka jingjia.
Hadien kane ka jingjia, la ong ba u dribar u la phet krad noh ia lade na katei ka jaka. Na kane ka jingjia ka la wan rah ka jingdom ka jingbitar ia ki ba haïing hasem bad ki paidbah ruh ki la khang lynti syndon ia ki Kali ban iaid na katei ka surok ban dawa shim khia ia ki bor synshar ka District.
