Nongpoh, Naiwieng 25: Haba pynpaw Ia ka jingsngewlem bad ka jingduh kaba khraw ia ka jingkhlad noh u Dharmendra u khlur ak phlim ba pawnam ka Bolloywood, u Myntri rangbah duh ka ri India u Narendra Modi u la ong, “ Ka jingkhlad noh u Dharmendra kum u khlur ak phlim ka Bolloywood ka la long thik kumba la kut noh ka juk ki kam ak phlim ka Bollywood ha India”.
Ia kane la pynpaw da u Myntri rangbah duh ka ri u Narendra Modi haba pynpaw paidbah ha ka rynsan social media lyngba X. u la pypaw ruh ba u Dharmendra u dei tyngshop ba paw bha ha ki kam ak phlim ba kynthup naduh ka jinglong jingman kaba paw shabar ha ka jingim jong u.
U la ong ruh u Dharmendra u dei shisha u khlur ak phlim uba don kata ka bor ban pynshoh biejj bad kaba la pynktik ia ki paidbah ka ri ha kano kano ka phlim kaba u shim bynta kum uta u Tyngshop ha kam ak phlim.
Shuh shuh, u la bynrap ruh da kaba ong ba wat lada u Dharmendra u la khlad noh na sla jong kane ka pyrthei, hynrei u dang don ha ka jingkynmmaw ia bad u dang don bynta lang ruh bad ka ïing ka sem, ki paralok bad kito kiba ieit kyrpang ia u kum uta u khlur ak phlim ka Bollywood.
Kum ban pynkynmaw, u Dharmendra kum u khlud ak phlim ka Bollywood u la khlad noh ha ka 24 tarik u Nohprah 2025 ha ka rta kaba 89 snem bad shwa ba un kynjoh sha ka rta kaba 90 snem bad kane ka jingkhlad noh jong u ka la wan rah ka jingduhnong kaba khraw ia ka kam ak phlim ha India bad kaba pynsngewsih shisha ia kito nongkyrshan bad kiba ieit kyrpang ia u.
