Shillong, Rymphang 26: U MLA ka Umsning u Dr Celestine Lyngdoh mynta ka sngi ba 9 jong ka Dorbar mang tyngka u la pynsngew hakhmat u Myntri kam pohiing ka jylla halor ka jingdonkam ban don noh ka Traffic Branch ha Umsning Police Station, namar ki paidbah ki mad ka jingeh kaba khraw ha kaba ïadei bad ka jingdheng kali khamtam haka sngi iew ba tang haka jingjngai ba 600-meter ka bam por haduh 25 ne 30 minit ban jam lyngba katei ka jaka namar ka jingdheng kali bad ka jingbym beit ka rukom ieng bad ïaid ki kali.
Kum u nongmihkhmat ka thaiñ u la pynkynmaw ruh ba ïa kane ka mat naka liang jong u kum u MLA lem bad ki nongmihkhmat ka Umsning Town Dorbar kila leit ban ïakynduh ïa u Myntri kam pohiing ka jylla 4 bnai mynshuwa halor kane ka mat ha kaba kum u MLA u kwah ba katei ka jingdawa kan urlong ne em ha Umsning.
