Shillong, Jylliew 02: Hapdeng ka jinngtrei shitom bad ka jingbteng ban wad ia ki shijur na ka jylla Madhya Pradesh, kiba la jah naduh ka 23 tarik u Jymang 2025, na ka jingwan jongkai pyrthei sha ka thain Sohra hadien ka jingkyntiew kurim bad mynta ka sngi nyngkong jong ka taiew lalap ia kawei ka met iap u shynrang bad ym pat lah pat ban pynthikna la u dei neem u lok jong ka Sonam Raghuwanshi, kiba la ia jah lang shijur sha ka thain Sohra.
Kum ban pynkynmaw, ki shijur kiba la jah naduh ka 23 tarik u Jymmang 2025 hadien ba la wan shang pyrthei sha Meghalaya ha ka thain Sohra ki kynthup ia u Raja Raghuwanshi (30) bad ka Sonam Raghuwanshi (27) kiba dei na Indore na ka jylla Madhya Pradesh.
Kumba la sakhi, la lap ruh ba kane ka metïap ba la lap mynta ka sngi ka la pyud bad ka la sma ha kaba la shem jingeh ban ithuh ia ka dur khmat.
Kumba la iohi lum jingtip mynta ka sngi, naduh ki bor pulit bad ki bor sorkar kiba la poi sha Sohra ki la bteng ban pynlong ia ka jingwad ia ka met kitei ki shijur bad ha ka jingiaid wad la lap ia ka met uwei u shynrang najan ka wei Sawdong ha Sohra ba ym pat lah ban pynthikna haduh mynta.
