Guwahati, Jylliew 30: Arngut ki riew tymmen ki la lait na ka jingngam jyllop ha ka wah Brahmaputra ha Jorhat hadien ka jingpynlait im da ki pulit Assam ryngkat ka jingïatreilang bad ka tnad Fire & Emergency ha ka 28 tarik Jylliew.
Kane ka jingjia ka la jia ha Nimatighat ha Jorhat ha kaba kawei ka lieng kaba kit ïa kitei ki arngut ka la ngam jyllop ha katei ka wah, bad mar mar naka liang ki pulit bad ka kynhun SRDF kila shimkhia mardor ban pyllait im ïa ki.
Ia ka video jong katei ka jingjia la pynlait da ki Pulit Assam ha ka rynsan X jong ki, ha kaba la pyni ia arngut ki briew kiba sahkut ha katei ka wah.
Ngi dang iai bteng ban pynim ia ki jingim ha kine ki por kiba eh, ong ki pulit Assam haka kyrwoh bad kane ka jingïatreilang ka long ka kam kaba shlur bad ka kam bah ban pynlait um ïa kitei ki 2 ngut ki rangbah naka jing ngam jyllop hadien ba ka lieng jong ki kala ngam ha katei ka wah.
Naka liang u Himanta Biswa Sharma u la ai ka jingkhublei ba kyrpang ïaka tnad pulit bad kumjuh ruh ka kynhun SRDF bad Fire and Emergency kiba la leh ka kam bah bad ka kam shlur ban pynlait im ïa kitei ki rangbah naka jingngam jyllop.
