Nongpoh, Naitung 30: Ka Showroom jong ka Frank Yamaha mynta kasngi ka la leit ban sam da ki shatri sha ki Pulit ka Nongpoh Police Station shi bynta ban ia trei lang bad ban ai mynsiem ia ki pulit kiba pyndep hok ia la kamram ha kaba ai jingshakri sha ki paidbah.
Ha ka jingialam u BahMichael Kharhunai lem bad ka kynhun ki la leit ban kynduh ia ki ophisar ka Nongpoh Police Station bad kumjuh ruh ha Traffic Branch ban sam ia kitei ki shatri, khnang ba ki pulit kin ioh ban pyndonkam ha ka por ba shit ka sngi ne slap haba ki dang don ha ka kam ban pyndep ia la kamram.
Kumba la pynpaw da u Bah Michael Kharhunai, uba dei u trai ka Showroom ka Frank Yamaha, u la ong ba kane ka jingsam ia ki shaktri ka long shi bynta ruh ban ai ka jingiatrei lang bad ka tnad Pulit bad khamtam ruh ban ai ka jingiaroh ia ki kam shakri ba ki la shakri na ka bynta ka jingshngain ki paidbah.
Haba sam ia kitei ki shatri la don ryngkat u Officer in-charge ka Nongpoh Police Station u Michael Marak , u Officer In-charge ka tnad Traffic u Rubul Ali lem bad kiwei kiwei ki ophisar pulit.
