Hadien ka jingïakhih kaba jur bad shyrkhei haka ri Bangladesh kaba la wanrah ka jingiap briew bad ka jingmynsaw ba shyrkhei halor ka rai jong ka sorkar ban ai bhah kam 30% na ka bynta ki bahaïing hasem jong ki riewshlur na ka thma jong ka ri ban ïoh ïa ka jinglaitluid na ka Pakistan ha u snem 1971, ka iingbishar ba hakhlieh duh jong ka ri (Supreme Court) kala weng noh ïa katei ka rai haka rukom bhah kam bad baroh ki kam sorkar dei ban thung katkum ka jinglah.
Naka liang ka iingbishar kala weng noh ïa kiba bun ki jingbhah haki kam namar ka jingïakhih pyrshah ïaka sorkar ha baroh kawei ka ri kaba la wanrah ruh ïaka jingïakhih kaba la kylla long kum ka thma pohiing.
