U Myntri rangbah duh ka ri India, u Narendra Modi mynta ka sngi u la pynpaw ia ka jingsngewsarong ba ki samla pule na ka ri India, ki la lah ban khur ia ki takma ksiar bad rnong na ka 65th International Mathematical Olympiad 2024, kaba la long ha Bath, United Kingdom.
U Narendra Modi, u la pynpaw ha ka rynsan social media, ba u dap ka mynsiem jong ka jingsarong ba ki samla pule na ka ri India ki la wan ha ka kyrdan kaba saw ha katei ka lympung ia kop shaphang ka mathematic ba la tip kum ka ‘65th International Mathematical Olympiad.
Shuh shuh, lyngba ka rynsan social media, u Narendra Modi, la pynpaw ruh ba u dap da ka mynsiem ka jingsngewsarong ia ka ri India, ba ka kynhun samla na ka ri, ki la ioh ban khur haduh 4 tylli ki takma ksiar bad kawei ka takma rupa. Kane ka jingwan rah kane ka kynhun ki samla ia katei ka nam bad ka burom ka long ruh ka jingai mynsiem ia kiba bun ki khun samla ka ri bad kan iarap ruh ia ki ba kin daw paw pyrthei ba ki stad ne tbit bha ha kaba ia dei ba ka sobjek jingkhein (Mathematics).
