Nongpoh, Iaïong 13: Na ka jingiakynad kaba jur ha Rilum Garo dang shen ha kine ki bnai ba ba la dep kaba la ktah ruh wat ia ka shongsuk shongsain ki paidbah, u MLA barim na Rilum Garo u Esmatur Mominin uba la phet rieh ia lade na kitei ki jingjia ula wan ban pyndem noh ia lade mynta ka sngi ha ki Pulit ka Ri Bhoi.

Kane ka dei katkum ka jingioh lum jingtip na ka tyllong khubor, ba utei u MLA barim na Rilum Garo u la wan hi ban pyndem ia lade ha ki Pulit ka Ri Bhoi.

Kum ban pynkynmaw, utei u MLA barim ka Rilum Garo, u la phet rieh ia lade na ki jingiakynad kaba jur ha rilum Garo bad la kynnoh ruh ba ki jingkren jong u, ka de ka daw ba la mih kitei ki jingiakynad bajur ha Rilum Garo.

Ka tyllong khubor ba ioh lum la ong ba na ka liang ki Pulit Ri Bhoi kim pat lah ban kren ei ei halor kane ka jingjia, namar ka jingtohkit halor kane ka jingwan pyndem utei u MLA barim na Rilum Garo ka dang iaid shakhmat.

Ban pynkynmaw, kitei ki jingjia ne ki jingiakynad ha Rilum Garo ka la mih ruh, ka dei tang na ka daw ba ki paid Garo ki la pyrshah ban ioh shim bynta ban thep vote ne ia khun election ki bym dei ki riewlum ha ka election MDC ha GHADC.