U Myntri rangbah duh ka ri India u Narendra Modi u la ai khublei kyrpang ia ka kynhun na India kaba la lehkai bha bad wan rah ia ka burom ia ka ri India na ka jingleit shim bynta ha ka paralympic games kaba long ha Paris.
U myntri rangbah ka ri, u la iaroh bha ia ki samla na ka ri, kiba la aiti bad lehkai janai, da kaba ki la ioh ban khur haduh 29 tylli ki Takma ha kane ka Paralympic Games 2024 kaba la long ha Paris.
Kum ka jingsngewsarong, na ka liang u Myntri Rangbah ka ri, u Narendra Modi u la pynpaw ruh ia ka jingsngewsarong da kaba u la ai khublei ia ki samla kiba la wan rah burom ha ka X.
U la pynpaw ruh ba kane ka Paralympic games 2023 ka la long kaba kyrpang bad kaba sah jingkynmaw ha ka histori ka ri India.
U la pynpaw ruh ba kane ka jingjop, ka dei shisha ka jingjop ba ki rang bad ki thei ialehkai ka ri India ki la len lade bad trei shitom ia ka la sap kaba ki don bad ka mynsiem eieit ia ki kam ialehkai sport ka la long ka dak jong ka jingsah jingkynmaw bad ruh kaba ai mynsiem ruh ia kiwei pat ki samla na ka bynta ka pateng ban sa wan.
