Nongpoh, Jylliew 17:
Ka jingdap um jong ka thain jorabat ha ka por ba jur slap kam dei shuh kaba dang shu jia shen, hynrei kaba la iai jia na ka por sha ka por namar ka jingbymbiang bha jong ki nala pyntuid um bad ka jingsahkut jong ki jaboh jabain ha ki nala um.
Wat lada kane ka jingshlei um, ka la pyndkoh ia ka leit ka wan jong ki paidbah ha ka surok bah, kaba la dap um hadien ka jingther jong u ‘lapbah hynnin ka miet baroh shimiet tad haduh mynta ka step ka 17 traik u Jylliew 2014, hynrei kaei kaba pynphuh samrkhie pat ia kiba bun ki paidbah, kadei ka jingmih jong ki heprit ban shong lieng ha ki katto katne ki bynta ka jingshlei um, da kaba pyndonkam da ka synduk thep dohkha.
Kumba katei ka thain Jorabat kadei kaba shit bad lhop, kane ka jingshlei um, ka long pynban ka lad iaki ban kin ioh ban muja, ban mastieh, ban pynpyngngad bad lehkmen shiparalok ban lait na ka jingshit jong ka sngi.
