Ka Deputy Commissioner ka Ri Bhoi, ka Hema Nayak kum ka ophisar ba hakhlieh duh jong ka South West Garoi Hills ka la pynlong ia ka jingialang kaba kyrpang ha DRDA Conference Hall ha Ampati lyngba ka District Coordination Committee na ka bynta ban ia tai bad ia phylliew jingmut halor ki jingpyntreikam ia ki kam pynroi bapher bapher hapoh katei ka District.
Ha kane ka jingialang, la ia tai sani bha halor ki kam pynroi kiba dang iaid shaphrang ban pyntreikam bad ruh la ia thir shibun ia ki jingeh jong ki tnad treikam sorkar bapher bapher ba ki ia kynduh ha kaba pyntreikam ia ki kam pynroi hapoh kane ka District.
Kumba la pynpaw ha kane ka jingiakynduhlang, ka thong kaba kham hakhmat eh lyngba kane ka jingiakynduh lang ka dei ka jingshim khia ban kyntiew ia ka jingnang jingstad lyngba ka tnad pule puthi bad la ia kren kyrpang ruh halro ka jingpep skul shiteng por ki khynnah bad ruh ka jinghiar kiba pass bha ha ka SSLC examination jong u snem 2024.
Na kaliang ka Hema Nayak kum ka Deputy Commissioner ka South West Garo Hills, ka la kham ban khia halor ka jingdonkam ban shim khia mardor da ki tnad treikam sorkar bapher bapher bad kito kiba don bynta kaba khraw ha ka District na ka bynta ka jingdonkam ban dang pynbit pynbiang ne ban kyntiew ia ka pule ka puthi.
Shuh shuh, kane ka jingialang ne ka jingiakynduh lang ba la pynbeit da ka Planning Department ka South West Garo Hills, ka dei ka jingangnud ban thaw lad thaw lynti kumno ban pynkiew shaphrang ia ka District ha baroh ki liang lyngba ka jingdon lang ki heh ophisar na ki tnad treikam hapoh ka District.
