Ki shipai BSF jong ka jylla Meghalaya hynnin ka sngi kila ioh ban kurup bun song ki dawai, mobile phone bad ka shini ba shongdor kumba 77 lakh bala thmu ban shalan tuh sha Bangladesh lyngba ka khappud jong ka East Khasi Hills.
Hadien ka jingioh jingtip kaba bñiah, ka kynhun ki BSF naka 110 Battalion kila iohi ïaka jingkhih kaba khampher haka phudwah jong ka Khasimara, haka jingwad bñiah jong ki shipai kila lap pynban ïaki song dawai, ki mobile bala song haki synduk bad naka liang ki shipai kila kurup noh ïaki hadien ba kitei ki song kidei kiba thmu pynpoi sha Bangladesh bad ïa kitei ki tiar la aiti sha ka tnad Customs ban leh ïa kaba donkam.
Ha kawei pat ka jingkhynra jong ki shipai BSF naka 200 Battalion ryngkat bad ki pulit ka Meghalaya kila ioh ban kurup kumba 10 hajar kilo ka shini bala buh ha kawei ka iing bala iehnoh shrah hajan khappud Rongra ha South Garo Hills.
KURUP KI SHIPAI BSF ÏAKI DAWAI, MOBILE BAD SHINI BA SHONGDOR 77 LAKH NA KHAPPUD INDIA-BANGLA
