Nongstoin, Jymmang 26: Kum u State President ka NPP bad uba dei ruh u Symbut Myntri ka sorkar jylla, u Bah Prestone Tynsong haba ïalap election na ka bynta u Dr. DRL Nonglait mynta ka sngi ha Nongstoin, u la kyrpad jur ïa ki paidbah ka West Khasi Hills ban ai ïa ka jingkyrshan kaba pura da kaba pynshong nongrim ïa u Dr. Nonglait kum u Doh u snam, u kur u jaid, u pyrsa u bakha uba hap sohpet na ka Shnong ha West Khasi Hills.
U la ong ruh ba la kha ïa u Dr. DRL Nonglait ha ka shnong kaba ym da jngai na Nongstoin bad ba don 7 tylli ki constituency ha kane ka West Khasi Hills kaba rit.
Sa Pule Ruh | Da ki Pyngkha ai sngewbha ka FKJGP sha ka St. Edmunds RCLP School Shakhoikuna
U la ong ruh ba na ka liang ka party NPP kam donkam shuh ban dang pynithuh ïa u Dr. DRL NOnglait sha ki paidabh ka West Khasi la ka long shaphang ka longing ka longsem bad ïa ka im ka iap jong une u rangbah bad kum ki paidbah ka West Khasi Hills ki tip kham bha ma ki ba une u rangbah u dei u para marajan bad u ba wan na ka thain West Khasi Hills.
Shuh shuh, u la ong ruh kaba u kwah ban ong tang kawei ba u Blei u la kyrkhu kyrpang ïa une u rangbah ba u Blei u la rah ïa u tang ka ing ka sem kaba dei tang ka trep bad ka skum ba un poi sha kane ka kyrdan bad lada ki paidbah ka West Khasi Hills kin pynnjop ïa u ha kane ka election shiteng samoi kan long shisha ka jingkyrkhu ym tang ïa ka thain West Khasi Hills bad ïa ka jaid bynriew Khasi Jaintia hi baroh kawei, u la bynrap.
Sa Peit Ruh
