Khliehriat, Naitung 13:Ka Central Executive Committee ka seng Jaiñtia Students Movement (JSM) mynta ka sngi ka la sam paidbah noh ia ka khusnam jong ki nongjop ha ka jingiakop thoh shithi (Letter writing competition) ban phah sha u Myntri rangbah ka jylla, halor ka ka phang, ka jingktah jong ka jingkhang dewiong bad ka ioh ka kot ki paidbah naduh ba la khang tih dewiong ha Rilum Jaintia.
Ia kane ka jingsam ia ki khusnam ne ka jingialang la pynlong ha Eastside Inn Hotal bad ba la pyniaid da ka Education Cell ka Seng JSM Central Executive Committee.
Ha kane ka jingsam ia ki khusnam la shim bynta naduh u President ka JSM u Bah Leningstar Rymbai, u Bah P. Nongtdu, Principal ka Jaintia Eastern College, u Bah Welson RD Siangshai education Secretary ka JSM, u Bah Kyrmen Dkhar, Sport Secretary, u Bah Rotre Dkhar Geneal Secretary, ki nonghikai, ki samla pule bad kynthup naduh ki kmie ki kpa bad ki khynnah pule.
Sa pule ruh: Ba Shim Khia Mardor Ki Pulit EKH, La Ïoh Kem Ïa 3 Ngut Kiba Pynjulor Ïaka Oak Homestay
Kumba la pynbna ha kane ka sngi, ki nongjop ha kane ka jingiakop thoh shithi sha u Myntri rangbah halor ka jingktah ka jingkhang dewiong ki kynthup ia ka Shaniahbha Shylla, Rini Lamurong, Zephaniah R Dkhar, Etimon Sungoh, Yolangmeki Thoo bad Pushpa Chettry.
Haba kren ha kane ka sngi, u President ka JSM u Bah Leningstar Rymbai, u la ong ba ka daw kaba la pynlong ia ka seng ban pynlong ia kane ka jingiakop thoh shithi sha u Myntri rangbah ka jylla, ka dei halor ka nongrim ba ia kitei ki shithi yn phah beit sha u Myntri Rangbah ka jylla bad ban pynpaw halor ka jingshah ktah ki paidbah na ka jingkhang tih dewiong bad kaba la sakhi ruh bun ki kmie ki kpa ki la pynpep skul ia ki khun bad don kiba lah ban pule tang haduh Class-X.
Shuh shuh, u la ong ruh ban pynsngew ia kane ka jingeh ne ka jingktah na ka jingkhang tih dewiong, kam dei tang ka sur ki seng bhalang, hynrei ki samla pule ruh ki don ia ka hom ban pynpaw ia ka jingeh na ka jingshah ktah khang tih dewiong bad baroh ki shithi jong kito kiba jop bad ki bym jop ruh yn pynpoi sha u Myntri rangbah ka jylla.
Also watch
