Shillong, Naitung 13: Da ka jingshim khia mardor ki Pulit ka East Khasi Hills, ki Pulit ki la ioh ban kem ia 3 ngut ki briew bad kynthup 3 ngut ki Khynnah kiba la kynnolho don kti ha kaba byrngem bad pynjulor ia ka Oak Homestay kaba don ha Risa Colony bad ki la ioh jamin pat hadien ba la rah sha ka ïingbishar.
Kumba la iathuh da u Superintendent of Police ka East Khasi Hills, u Bah Vivek Syiem u la ong ba la ioh ban kem ia kitei ki briew, ka dei hadien ba la ioh pdiang ia ka jingujor ha ka 11 tarik u Naitung ba 2 ngut ki briew ki la byrngem bad pynjulor ia katei ka Homestay kaba ki la mih lyndet khlem siew ia ka jingpynjulor.
U la iathuh ruh tang hadien ba la ioh pdiang ia ka jingujor la dep dep ban register case pyrshah ia ki bad la pah ruh mardor ia ka kynhun Pulit ban wad ia kitei ki briew.
La ong ruh da ka jingiatrei lang ki Pulit na Kokrajhar, Assam, Alipurduar, West Bengal bad ka kynhun Pulit na Sabattala la ioh noh ban kem ia ktiei ki briew ha ka por 4.45 bad kitei kiba la shah kem ki kynthup ia u u Vikash Singh, u Avinash Singh bad u Akand Pratap Singh, ryngkat bad lai ngut ki khynnah kiba dang hapoh ka rta kaba 17 snem.
Sa pule ruh: Jurip Bad Iakynduh U MLA Ia Ki Nongrep Ba Shah Ktah Ki Pynthor Kba Ha Ka Thain Umtngam
U la iathuh ruh tang hadien ba ki pulit ka Alipurduar ki la ioh ban bat ia ktiei ki briew, ka kynhun Pulit na Shillong ka la leit shaw ia ki bad la ialam sha Ïingbishar jong u Chief Judicial Magistrate ha Alipurduar.
La ong ruh namar ba ki kyndon ain kiba la pynngat pyrshah ïa ki kim poi sha ka jingpynshitom palat hynñiew snem, la ai jamin noh ïa ki. Katba ïa ki lai ngut ki khynnah la wanrah hakhmat ka Juvenile Justice Board (JJB) katkum ki kyndon jong ka aiñ.
Shuh shuh, la iathuh ruh ba wat la ki la ioh jamin, hynrei ki pulit ki la kem ia ki, ha kaba ka jingtohkit kan dang bteng haduh ba la pyndep ia ka chargesheet.La register case ruh ia ki da kaba pynhap ha ki Section 351(3), 324(3) bad 3(5) jong ka Bharatiya Nyaya Sanhita (BNS).
Sa peit ruh
