Nongpoh, Risaw 29: Ka Dorbar Shnong Lumdaitkhla Bhoirymbong mynta ka sngi kala pynbna ba ka jingiateh soskular ha kaba iadei bad ka Madan Kurkalang kaba la shim wai da ka Ribhoi District Sports Association mynta la 13 snem ia kaba la ia soi ha ka 27 tarik Bnai jylliew 2011, bad mynta ka sngi ka 29 2024 ia kane ka jingsoi sokukular la pynkut noh bad ka RBDSA kam long trai shuh ia kane ka madan bad ka la dei trai biang da ka shnong Lumdaitkhla Bhoirymbong.
Ia kane ka jingpynkut iaka soskular hapdeng ka RBDSA bad ka shnong la pynlong mynta ka sngi ha Ing dorbar jong ka shnong Lumdaitkhla ha kaba la sakhi lang da ki Nongialam shnong ba kynthup ia u rangbah shnong u Bah S.T. Rympei, u Secretary u Bah R. Rymbai bad u Chairman u Bah S.Lamare, ha ryngkat ka jingia donlang ki EC member jong ka shnong, ha kaba na ka laing ka RBDSA la wan ban mihkhmat da u President u Bah R.B .Shadap bad u Secretary u Bah D. Ryntathiang.
Kum ban shu pynkynmaw ka madan kurkalang ka dei ka madan ka ba heh tam ha ka thain Ribhoi bad ka dei ka madan ka ba la ju pynlong iaki jing ialehkai bol bad kiwei kiwei ki tamasa ki ba heh bad kaba la ai jing myntoi haki ba bun ki liang, bad mynta iaka ne ka Madan la pyniaid bad la peit la khmih biang da ka Dorbar shnong Lumdaitkhla Bhoirymbong naduh mynta ka sngi.
