Shillong, Lber 20: Hadien ka jing shimkhia jong ka sorkar jylla halor ka jing pawnam ka Byrnihat kum kawei ka shnong ba jaboh tam ha pyrthei bad lyngba ka hukum jong u Commissioner secretary kaba la pynmih haka 18 tarik Lber la bthah ia ki bor ka Meghalaya state pollution control Board ban leh iaka Industrial Audit ha Byrnihat lane ka pollution Industrial area ban jurip lut ia ki karkhana baroh ban wanrah biang iaka jingkhuid ka lyer haki ne ki thain, kumta mynta ka 20 tarik Lber kane ka tnad ka la sdang ia ka jingjurip ia ki karkhana bapher bapher ha Byrnihat.
Ha kane ka jing jurip bala la ia don lang da ka task force jong ka MSPCB ki ba kynthup naduh ki Scienctis, ki Environment Engineer hapoh ka jing ialam u DR. G.H Chyrmang MFS Member Secretary, haka jing iadon lang u Bah S. Swer u ba dei u scientists bad ki Environmental Engineer kiba kynthup naduh u Bah S. Syiem, u Bah YF Laloo bad u Bah M. Tiewsoh, mynta ka sngi dang step ki la hiar ban jurip shwa ia ki 8 tylli ki karkhana kiba ju pynmih bha ia ka tdem jaboh,
Haba kren bad ki lad pathai khubor naka liang u Dr. G.H Chyrmang u la ong ba kine ki karkhana ki long kiba shalak bha tang ban lait kiew ka bai bording ilektrik kim ju pyndonkam satia ia u Pollution Control Device (PCD ) u ba lah ban pynduna iaka tdem jaboh ha ka por pyntreikam iaki kor ki bor, bad ki pyndonkam ia u ne u PCD tang haka por ba wan jurip ki bor sorkar khamtam na ka tnad pollution board, hynrei naka liang jong u la ong ba ki karkhana ki dei ban pyndom kam beit ia u PCD lym kumta kim ioh ban pyniaid iaki karkhana
Shuh shuh naka liang u Dr. G.H Chyrmang u la ong ba ia mynta kin peit bniah shwa tang ia ka jingpynmih ia ka lyer jaboh na ki karkhana bad hadien kin sa jurip sa iaka jing pyntuid iaki jaboh ba mih naki Kharkhana kiba ju pyntuid sha ki wah, ia kane ka jing jurip bniah iaka rukom pyniaid iaki karkhana haka thain Byrnihat kaba la ioh por 7 sngi na ka liang ka tnad MSPCB kan sa phah pat iaka kaiphod sha ka sorkar jylla.
Lah ban sngewthuh ba ka jingtehlakam ia ka jingpynkhein ain ki karkhana kiba don ha ka thaiñ Byrnihat ban pynmih ia ki tdem jaboh, kaba kongsan eh ka long ban don da ka shnat treikam ne ka ophis jong ka Meghalaya State Pollution Control Board ha Byrnihat ban ioh khmieh bniah ia ka jingpynmih tdem jaboh kaba long tikna.
