Nongpoh, Lber 21: Ka Ri Bhoi College ryngkat ka jingiatrei lang bad ka Nehru Yuva Kendra Sangathan (NYKS) lem bad ka NSS unit ka Ri Bhoi College, mynta ka sngi ki la pynlong ia ka ‘District-Level Viksit Bharat Youth Parliament’ ha kaba la ban khia halor ka phang, “One Nation, One Election,” ha kaba la wan ban shim bynta da ki samla pule ki kolej bapher bapher na Ri Bhoi.
Kum ban pynpaw, kane ka Viksit Bharat Youth Parliament ka dei kawei na ka phang ba la wan rah ha kylleng ka ri india, ha kaba la ailad kyrpang ia baroh ki khun samla ban shim bynta ban ioh ia ka hok katkum ka ri synshar paidbah.
Ha kane ka jingia ai jingmut halor kata ka phang, ‘kawei ka ri, kawei ka election’ la wan shim bynta ruh da ki nongbishar ba kynthup ia ka Dr. Elizabeth Kharkongor, Principal ka Ri Bhoi College; u Bah Matthew Kenneth Makdoh; u Bah D. Rapsang, District Youth Officer, NYKS Ri Bhoi; Ska Kong E. Kharnaior, kaba dei ka head of department ka sobjek Philosophy; bad u Bah Victor Suleiñ, uba dei uwei na samla pule Law na USTM.
La sakhi ha kane ka sngi ba ki samla pule ki la pynpaw ha ki jingmut bapher bapher bad ka la pynshongshit ruh ba ia kren halor katei ka phang, kawei ka ri bad kawei ka election.
Kumba la sakhi, ha ka jingai jingkren ki samla, kiba bun hi ki samla ki la ai kata ka jingkyrhsan ban don noh tang kawei ka ri bad kawei ka election bad kum ki samla ki la pynpaw ba ka long kaba donkam ban don tang kawei ka ri bad kawei ka election, ha kaba kane kan iarap shibun ban kyntiew ia ka ri bad ban pynduna ia ka jinglut jingsep ha kaba pynlut ia ka pisa ha ki election bapher bapher bad lada don tang kawei ka election kan pynduna shibun eh ia ka jinglut jingsep lyngba ka pisa paidbah kaba ki pyndonkam ha kaba pynlong ia ki election bapher bapher.
