Nongpoh, Lber 11: Ha ka jingjia aksiden kaba la jia mynta ka sngi ha ka por 12:30 ei ei mynsngi shuwa ban poi Toll Gate kaba don ha shnong Pahammawlein 20mer, uwei u nongniah thuk thuk uba niah ia ka thuk thuk kaba don ia u number AS-04-Y-0825, u la khlad noh hashen bad kata ka dei hadien ba u la shah iuh ha kawei ka trok 16-shaka, kaba don ia u number AS-01-SC-5581.
Katei ka thuk thuk bad kumjuh ruh ka trok, ki dei kiba don ha ka lynti ban kiew na Nongbah Guwahati sha Shillong, hynrei shwa ban poi ha Toll Gate katei ka Thuk thuk kaba mih na ka lain ba iaid ki VIP, ka la shah tynrah noh ha katei ka trok kaba mih na ka lain ba iaid ki kali siew pisa.
Na ka jingiathuh kiba la sakhi ia katei ka jingjia, la ong ba nyngkong katei ka trok ka la iuh da ka taiar khmat bad haduh ba utei u nongniah thuk thuk, u la sahkut ha ki bynta ka taiar pdeng jong katei ka trok 16-shaka.
Tang mar ia tip halor katei ka jingjia, ki Pulit ka Byrnihat Police Outpost, mar mar ki la poi ha katei ka jaka, na bynta ban pynlong ia ka jingtohkit bad kiba la shimti noh ia katei ka Metiap bad ruh ban rah noh ia katei ka trok sha thanad.
