Nongpoh, Nohprah 05: Hynnin ka miet, ki Pulit ka Jylla Arunachal Pradesh, ki la kem ia u Bah Badhok Nongmalieh, u briew na ka shnong Mawtnum bad ha ka juh ka por uba dei ruh u Rangbah shnong ka shnong Mawtnum.
Ka tyllong khubor na ki Pulit Ri Bhoi, la ong ba la kem ia u Bah Badhok Nongmalieh, na kiwei ki
jaka ha thain Nongpoh bad kaba hap ha Nongpoh Police Station ha Ri Bhoi, ha kaba la kem ia u da ki Pulit ka jylla Arunachal Pradesh ha ryngkat ka jingiatreilang bad ki Pulit ka Ri Bhoi.
Ka tyllong khubor na ki Pulit Ri Bhoi, kam shym la kdew shai ba kiei ki daw kaba la kem ia u Bah Badhok Nongmalieh, hynrei la kem ia u lyngba ka ain kaba dei ruh katkum ka Non-Bailable Warrant of Arrest (NBWA), kaba la ai hukum da ka Judicial Magistrate First Class, Yupia jong ka jylla Arunachal Pradesh.
