Nongpoh, Lber 06: Ban kyntiew kyrpang ia ka ioh ka kot ki jylla shatei lam Mihngi ka ri india lyngba ka kam rep ka kam riang, ka College of Postgraduate Studies in Agricultural Science (CPS-AS), CAU-Imphal, Umiam mynta ka sngi ka la pynlong ia ka ‘17th India-Japan on Economic Developments’ na ka bynta ki jylla shatei lam mihngi ka ri india.
Haba pynlong ia kane ka India-Japan Dialogue, kaba ki ia thir ne ia tai halor ki bynta bapher bapher ban kyntiew ia ka kam rep la ia trei ryngkat ruh bad ka Central Agricultural University (CAU), Imphal; ka Indian Society of Agricultural Economics (Mumbai); Kobe University (Japan); ka Centre for International Projects Trust (New Delhi); bad ka sorkar Meghalaya.
Kane ka India-Japan Dialogue, la lam khmat da u Dr. Anupam Mishra, Vice Chancellor ka Central Agricultural University (CAU), Imphal, kaba la pynlong ia ki riew shemphang jong ka sorkar kiba la ioh lad ban ia thir na ia tai bad ki 6 ngut ki nongmihkhmat ka Japan na ka bynta ban ia trei lang ban kyntiew ia kam rep bad ruh ia ka roi ka par ki jylla shatei lam mihngi ka ri India bad khamtam ka jylla Meghalaya.
La sdang ruh ia kane ka jingiakren da ka jingkren pdiang da u Prof. Dwipendra Thakuria, Dean, CPGSAS, Umiam, ha kaba u la ban khia halor kane ka jingiatrei lang ka India bad ka Japan na ka bynta ban kyntiew ia ki kam rep bad ka ioh ka koit hapoh ka ri India.
Hakane ka sngi la don ryngkat ruh naduh u Dr Anupam Mishra, Vice-Chancellor, Central Agricultural University (CAU), Imphal; u Gunanka D.B., IFS, Joint Secretary, ka tnad Agriculture & Farmers’ Welfare ka Meghalaya; Dr. V K Mishra, Director, ICAR-RC for NEHR, Umiam, Meghalaya; Dr. AK Mohanty, Director, ICAR-ATARI, Zone- VII, Umiam, Meghalaya; ka Dr. P. Lyngdoh, Director I/c Veterinary Office, Nongpoh lem bad kiwei.
Kane ka jingiakynduh la don lang ruh da ki 6 ngut ki nongmihkhmat na ki 5 tylli ki University ka Japan ba kynthup ia u Prof. Takahiro Sato, Vice-Director, RIEB, Kobe University; Prof. Atsushi Kato, Waseda University, Japan; Prof. Kazutoshi Tamari, Chukyo University, Japan; Prof. Asuka Yamamoto, Kyushu University, Japan; Dr. Ryohei Kasai, Gifu Women’s University bad Prof. Mio Morimoto, Waseda University.
U Prof. Takahiro Sato, u la ai jingbatai (Presentation) halor ka Asia-Africa Growth Corridor (AAGC) bad kata ka Japanese-affiliated multifunctional companies (MNCs) in India, da kaba ban khia halor ka jingbei tyngka bad ruh halor ki buit treikam ban kyntiew ia ka ioh ka kot jong kine ki ar tylli ki ri bad u la ai ruh ka jingbatai halor ka jingiadei ka India bad ka Japan.
La ia jingkren ruh ha kane ka sngi da ki riew shemphang bad ki proh jabieng kiba dei halor ka kam rem kam riang ban iatai halor kiba bun ki buit treikam ne ka jingai kylliang ia ki rukom treikam ban pynjanai na ka bynta ban poi sha ka thong jong kane ka India- Japan dialogue kiba kyntup ia u Prof. Ram Singh, Deam, COA, Kyrdemkulai, u Dr. V K Mishra, Director, ICAR-RC, NEHR, Umiam, Meghalaya; u Dr. AK Mohanty, Director, ICAR-ATARI, Zone- VII, Umiam, Meghalaya lem bad kiwei de.
Kumba la mih na kane ka jingiakren (Dialogue), ka la long shisha kaba jop ha kaba jop lyngba ka jingiatrei lang da kaba ai buit mar kyrliang, ban ia thir na ia tai sani hadpeng ka India bad ka Japan bad ka thong hi ka long ban kyntiew ia ka kam rep khnang ban ai jingmyntoi ia ki nongrep ba la phai khmat kyrpang sha ki jylla ka thain shatei lam Mihngi ka ri India.
