Nongpoh, Naiwieng 29: Tang hadien katto katne sngi ba naka liang ka BCCI ka la dep ban jied ïa u Bah Rayonald Kharkamni u President ka RBDCA kum u Match Observer naka bynta ka jingïalehkai Cricket hapdeng ka India bad ka New Zealand, mynta sa shisien naka liang ka BCCI Board of Control for Cricket in India ka la jied pat sa ïa u President Rangbah jong ka MCA Meghalaya Cricket Association u Naba Battacharjee ban long kum u nongïalam (Team Manager) ïaka kynhun ïalehkai cricket kynthei jong ka Ri sha Australia ka ban sa long shen.
Katba mynta ka sngi ka 29 tarik, Naiwieng hashwa ba u President Rangbah ka MCA u Naba Battacharjee un leit sha katei ka tour, u la ïoh ban wan ïuh kjat ha Madan ïalehkai ka RBDCA ha Ri Bhoi District ban ai kitbok kit rwiang ïaki heprit kiba dang Don hapdeng ka jingpynkhreh ban mih khmat naka jylla ban ïakhun ïaka lympung ïalehkai Cricket.
Ha kane kajuh ka sngi, naka liang ka RBDCA ka la ïoh ban leh don burom ïa President Rangbah jong ki bad ha kajuh kapor ban kitbok ruh ïa u ha shwa ban leit ïalam ïaka kynhun kynthei jong ka ri sha Ri Australia.
Ha kane ka sngi la ïa skhi daka jingïadon lang u Bah Rayonald Kharkamni President ka RBDCA, u Vice President ka RBDCA bah Ferdinald Kharkamni, u Dhrubajyoti Thakuria Honorary Treasure MCA, ki under 16 boys Meghalaya Team, Ki Nongïalehkai ka Ribhoi Cricket Academy lem bad kiwei kiwei.
