Pyrshah ka SRS Hima Nobosohphoh Ba Thung Syiem Biang Ka KHADC Ïa U Kawangbor Syiemiong

Mawkyrat, Nailar 31: Ban pyrshah halor ka jingthung syiem biang ka KHADC ia u Kawangbor Syiemiong kum u Syiem ba pura ka Hima Nobosohphoh, ka synjuk ki Rangbah Shnong ka Hima Nobosohphoh ha ka 29 tarik u Nailar 2026 ki la pynlong da ka jingialang kaba kyrkieh ha Rangblang, South West Khasi Hills District ban pyrshah halor kane ka jingthung syiem bad ruh ban iatai sani halor kane ka kam thung syiem.

Kumba la pynpaw, ka jingpyshah kane ka Synjuk ki Rangabh Shnong ka Hima Nobosohphoh ban thung syiem biang ka KHADC ia u Kawangbor Syiemiong kum u syiem ka dei namar ba ki khun ki hajar kim shanihah shuh ia u ban long syiem ba um ju shong thikna ha ophis syiem, kaba jingbym shai ha ka kam pisa pilain jong ka hima bad khamtam ba um dei napoh ka Hima.

Haba kren halor kane ka mat thung syiem, u Bah Bokstone Thongni , Chairman ka synjuk u la iathuh  ba ka synjuk naduh ki por mynshwa ka la dep ban ujor ha ka EC barim  hapoh ka jingialam ka NPP halor ki hynniew tylli ki mat pyrshah ia u Kawangbor Syiemiong ha kaba ka EC kaba rim ka la sospon noh ia u bad thung Acting syiem noh ia u Ferdinand Syiemiong.

Pule ruh: Ïoh Bat Ka KSU Haduh 4 Ngut Ki Khar Punjabi Ba Leh Thok Da Ka Online Pay Iaki Nongshong Dukan

U la ong ruh ba kaba sngewlyngnoh bad pynkyndit ba ha kane ka EC ba thymmai ba la ialam da ka VPP ha KHADC khlem da bishar bniah ka la thung biang ia u Kawangbor Syiemiong kum u syiem ba pura ka Hima Nobosohphoh.

Halor kane ka mat, la ioh ban iakren ruh bad arngut ki Lyngdoh ha kaba ki la pynpaw ia ka jing bym sngewtynnad shuh jong ki ban iatreilang bad u syiem namar ki kam leh donbor jong u ha kaba u la weng jubor ia u General Secretary khlem ka jingtip ki Lyngdoh bad u la weng ruh ia u Lyngdoh ka Kur Paliar bad thung bujli pat da uwei.

Peit ruh:

Ki la iathuh ruh ba kiba pyrshah ia une u syiem ba mynta ki long na ki Lai lyngdoh , Thongni San Mat , ki Lai Kynja , ka kur Paliar Markyrda bad ka Ing Sad Kur Syiemiong ka ju iai pyrshah ia ka District Council halor kane.

Shuh shuh, na ka liang ka synjuk ka la rai ban phah jingthoh biang sha ka Distrcit Council ban kyrpad ba kadei ban weng syiem noh mardor ia u Kawangbor Syiemiong bad ban thung bujli noh da u Ferdinad Syiemiong uba dei u trai hima.