Ïoh Bat Ka KSU Haduh 4 Ngut Ki Khar Punjabi Ba Leh Thok Da Ka Online Pay Iaki Nongshong Dukan

Shillong, Nailar 31: Ka Khasi Students Union (KSU) Rynjah-Lapalang Unit lem bad ka KSU Nongthymmai Circle mynta ka sngi ki la ioh ban bat haduh 4 ngut ki Khar Punjabi ba la kynnoh don kti ha kaba leh tuh lyngba ki phonepay bad Paytm sha kiba bun ki nongshong dukan da kaba pyndonkam da ki  kynja App ban siew pisa, hynrei ka pisa pat kam poi satia sha ka Account jong kito kiba shong dukan.

Kane ka jingioh bat ka seng KSU ia kitei ki Khar Punjabi, ka dei hadien ba la wan ujor da kiba bun ki nongshong dukan ha Rynjah bad kiwei ki thain ha Rynjah, ba la kynnoh ba kitei ki Khar Punjabi ki ju wan thied tiar na ki dukan, da kaba scan ia ka scanner kumba leh kiwei kiwei kiba siew online ha kaba ki pyni beit thik kumba la siew bad la ot na ka account jongki, hynrei katba ka pisa pat kam leit satia sha ka account kito ki nongshong dukan.

Kitei ki 4 ngut kiba la ioh bat da ka KSU la tip kyrteng kum u Shavan Singh, u Amit Singh, u Sameer Singh bad u Rihan Ali, kiba dei na Punjabi Lane ha ka thain Laitumkhrah.

Kumba la iathuh da u President ka KSU Rynjah-Lapalang Unit u Samla Richmark Lamin, la ong ba ka jingthoh kine ki khar Punjabi tang hapoh ka 2 bnai ka la kot sha ka T. 2 lak tyngka bad kane ka dei ruh tang kito ki nongshong dukan kiba la wan ban ujor bad ym lah ban tip kiwei kiwei pat kiba la shah thok.

Pule ruh: Wat La Saphriang Ki Khubor Hamsaia, Dang Kyntait U President UDP Ban Pyniasoh BJP Ki MLA

Na ka liang ka KSU ka hap ba ban pynpaw ia kane ka jingjia asha ka lad Pathai khubor ka long ban pyntip paidbah sha baroh ki paidbah ka jylla, ba ki hap ban  husiar na kum kine ki jaid byrniew kiba ju thok ab shukor lyngba ka jingsiew online bad ruh ba kim dei ban Shaniah klumar iano iano ruh, la ong une u nongialam ka KSU.

Peit ruh: 

Shuh shuh, u la ong ruh ba kitei ki Khar Punjabi bad wat ki kmie ki kpa jongki, hadien ba la tuklar da ka KSU ki la kular ban siew lut iatei ka pisa ba ki la wan thok wan shukar lashai ka sngi ha kaba ka seng ka dang ap ia mynta bad lada ki thok ki shukor ka seng kan sa aiti sha ki bor ka ain ban leh katkum ki ki kyndon jong ka ain, la ong une u nongialam.