Tang na ka daw ka jingpynher sted bad niah khlemakor u dribar kawei ka trok, u ba thmu ban knieh ban iaid shakhmat, kawei ka kali Honda kaba don ia u number AS 01 PC 5312 bad ba shong da ki nongwankai pyrthei naka jylla Assam, kane ka Kali ka la hap ban leit tynrah sha ka jingker jong ka surokbah NH-6, kaba la jia mynta ka janmiet ha ka por 4 baje ei ei ha 17mer, Byrnihat.
Kane ka Kali Honda ka dei kaba la niah da u Rafique Rahman (40), uba la mynsaw malu mala bad ki don 5 ngut ba shong hapoh kane ka Kali ba kynthup ia ka ka Firoja Begum (35), ka Fatema Begum (55), u Farhan Rahman (10), u Rahil Akhtar (11) bad ka Heprit Zara Rahman, kaba la mynsaw malu mala ha kane ka jingjia.
La iathuh ruh ba kine ki wan shangkai pyrthei ki dei ki nongshong shnong na Kalapani, Bonfool Nagar Guwahati Assam, ha kaba kane ka jingjia ka la jia mynta ka janmiet katba ki dang wan hiar na Shillong ban leit phai biang sha Guwahati.
Ki Pulit ka Ri Bhoi, ki iathuh ba ïa u dribar bad katei ka heprit ba la mynsaw la rah wut wut sha Byrnihat PHC ban ioh ia ka jingsumar bad ia katei ka Heprit la pynkit pat sha Guwhati na ka bynta ka jingsumar kaba kham paka da ka kmie jong ka.
La pyntip ruh ba ki Pulit ki la pynlong ïa ka jingtohkit halor kane ka jingjia na ka bynta ban ioh kem ia utei u dribar ba la niah khlem akor ia ka Trok bad hadien ia kane ka Kali ba la leit tynrah sha ka jingker ka surokbah la rah noh sha Byrnihat Police Station na ka bynta ban dang pynlong ia ka jingtohkit.
