Da ka jingthmu ban pynthikna ïa ka jingshngaiñ jong ki tiar sorkar bad ban khanglad ia kino kino ki jingpyrshang ne jingthmu jong ki runar ban pynjot naduh ki ophis, ki kali sorkar, bad kiwei kiwei, naka liang u District Magistrate ka Ri-Bhoi District u la bthah ia baroh ki ophisar haka district ba kin peitngor bha bad baroh ki nong ap miet (night chowkidar) ha man ki ophis sorkar.
Ki tiar pynlip ding, ka um, u shyiap dei ban buh ha man la ki ophis sorkar, ki kali sorkar ki dei ban pynieng ha ki jaka ba shngaiñ bad dei ban kiar ban buh haki jaka paidbah ne ki jaka shimet lait noh ki jaka ba shngaiñ bad lada don kino kino ki jingjia ki dei ban pyntip mardor bad u Superintendent of Police ka Ri-Bhoi lyngba ki number harum – +918730940080 / +919856084514 (Police Control Room) / 112 (Help line).
Ia kane ka hukum la pynmih khnang ban lait na ka jingjulor ne jingduhnong ïa ki tiar jong ka Sorkar bad la bthah ruh baroh ki ophis sorkar ki dei ban bud ïaka hukum, bad kiba torti naka liang u District Magistrate u la maham ban shim da kiwei ki lynti.
