Nongpoh, Jylliew 28: Kum shibynta ban wanrah ïaka khuid ka suba haki lynti ki synkien ka Nongpoh Senior CE Society jong ka Balang Presbyterian Nongpoh ha ka sien kaba nyngkong eh ka la shim iaka sienjam ban pynlong iaka Cleaning and Drive daka ba mih sha surok bah ban tam iaki plastik bad pynkhuid iaki jaboh jabaiñ ha shilynter ka surok naduh na shnong Pahamlapong-Pahamsohthri shaduh sha shnong Mawdiangum.
Ban nang pynkhlaiñ bad ai mynsiem ia kane ka jingmut kaba bha jong katei ka kynhun la wan ban ia snohkti lang da ka Seng Samla Pahamlapong-Pahamsohthri, Seng Samla Mawdiangum lem bad ki samla pule NSS jong ka Ri Bhoi College.
Ha shwa ban sdang katei ka Jingpynkhuid la ioh ban pynlong shwa daka program kaba lyngkot haka ba u Bah Mathew Makdoh Nominated MDC u la wan ban ai iaki kyntien kyntu kynpham kum u kongsan.
Ha katei ka program la ia donkang ruh da ki Rangbah Shnong jong ka shnong Pahamlapong-Pahamsohthri bad Mawdiangum, bah R. Nongtri, President Nongpoh SCES, bah J. Mawlong, Chairman Social and Recreation Committee, Tbn. D. Ranee, ki samla naka shnong Phamalapong-Pahamsohthri, Mawdiangum bad ki samla NSS.
Haba kren ha katei ka sngi naka liang u bah Mathew Makdoh kum u kongsam u la ong ba ka khuid ka suba ka long ka bynta kaba kongsan eh haka jingim jong ki briew naba ngi tip ba ngi long ki kynrad jong kane ka sla pyrthei kumta ngi dei ban kynmaw ban leh eiei kaba bha naka bynta ban pynneh pynsah ia kane ka mei mariang kaba ngi don.
