Shillong, Nohprah 08: Ka Voice of the People Party (VPP) ha ka sngi Saitjain, ka la pynlong ïa ka jingai jinghikai ba shi sngi halor ka VI Schedule VI jong ka Riti Synshar ka India ïa baroh ki kyrtong MDC jong ka Party.
U Dr. Batskhem Myrboh, Associate Professor na ka Department of Political Science, NEHU, bad uba long ruh u Spokesperson ka VPP u la long kum u nongai jinghikai ne pynshai halor ka VI schedule sha baroh ki kyrtong ka VPP.
Ha kane ka jingai jinghikai halor ka VI schedule, la pynsngewthuh pura halor ka jinglong jingman ne ka jingtreikam ka VI schedule, ki jingduna jong kane ka kyndon kaba la pynlong ban don ka jingiakhih lyngba ka Hill State Movement haduh ba ka jylla Meghalaya ka la ioh la ka jong ka jylla kum kata ka jylla ba laitluid.
Na kane ka jingai jinghikai, ki la ia tai ne ia thir kyrpang halor ki bynta ba kyrpang jong ki Autonomous District Councils ha Meghalaya, kaba dei hadien ka jingioh ia ka jylla ba pura. Ha kane ka prokram ai jinghikai halor ka VI Schedule, la dang ioh mynsiem ruh ki nongshim bynta ba kynthup naduh ka jingdon lang ki nongsait ain, kiba don jingshemphang halor ka histori bad kiwei kiwei kiba don ia ka jingtip kaba bniah bad kiba la shemphang halor ka VI schedule.
