Shillong, Nailar 26: Ki Nongialam ba ha khlieh duh jong ka Hynniewtrep Youth Council (HYC) ba kynthup naduh u President u Bah Roy Kupar Synrem, Vice President u Bah Donbok Kharlyngdoh, General Secretary u Bah Rhembor Siabon, Education Secretary u Bah Enlang Sawian lem bad u Bah Isaac Basaiawmoit hynne ka sngi kila shah khot hajir ha ha Iingkashari ka District Session Judge Shillong.
Kane ka jingshah khot hajir kadei halor ka jingleit jong ki shah ka Ophis treikam u Director ka NEIGRIHMS u Dr Nalin Mehta ha kaba naka liang ka HYC kala phah mih shabar ia u Director bad iaki nongtrei jong ka Administrative Block ka Hospital.
Haba kren shaki lad pathai khubor u President ka HYC u Bah Roykupar Symrem u la ong ba ka jingshah khot hajir ia ki nongialam ka seng, ka dei namar ka jingkhot ia kren shabar ia u Director jong ka NEIGRIHMS, ban pan jingshai halor kiba bun ki mat jingdawa jong ka seng, kaba dei na bynta ka jing myntoi jong ki samla ka Jylla kiba leit pule Doctor bad kiba treikam hapoh ka Hospital.
U Bah Roy ula ong ba ka jingshah khot hajir kadei tang ban pynsngap jar ia ki jingdawa ka HYC na ka bynta ka bha ka miat ki samla ka ka Jylla.
U la ong ba ka HYC ka sngew lyngoh ba ki Pulit kila kloi ban Chargesheet, ia ki dkhot ka seng kata ruh tang ar bnai. “Kane kadei ka Case kaba sted tam ba ki Pulit kila leh katba ia kiwei kiwei pat ki Case ki da shim por da ki bun snem” ula ong.
