Shillong, Nohprah 23: Kum ka jingiadon bynta bad kawei ka longing kaba la duh lut ia ki jingdon jingem na ka daw ka jingshah bamduh ka ding ba shykhei, ka seng Meghalaya Indigenous Peoples’s Union mynta ka sngi ka la leit ban ai jingiarap da ki marbam sha katei ka longing ha ka shnong Mawkhap ha ka thain Pynursla ha East Khasi Hills.
Kane ka longing ba la mad ia kane ka jingjia ba sngewsih ka dei ka longing jong ka Kong Trenilis Marbanaing bad ha kane ka jingjia ka la duh lut ia ka ka ing ka sem bad ki jingdon jingem ba ka ding ba shyrkhei ka la bam duh ia katei ka ing jong katei ka longing.
Ha kane ka jingleit ai jingiarap ia katei ka longing la don lang ruh naduh ka kong Beti Jyrwa, President ka MIPU Women’s wing, u General Secretary ka MIPU u Bah Bless dkhar bad kiwei kiwei ki nongialam.
Ha kane ka sngi, ka seng ka la aiti da u khaw bad ki jhur sha katei ka longing kaba long shi bynta ka jingairap na ka seng ha kum kane ka por ba katei ka longing ka kynduh mawsiang bad kynduh jingeh na ka jingshah bamduh ka ing ha ka ding ba shyrkhei.
