Nongpoh, Jymmang 07: Kum ka jingiatrei lang na ki 12 tylli ki District jong ka jylla Meghalaya, ka jylla Meghalaya ka la pynlong ia ka Mock Drill kaba la lamkhmat da ka Civil Defence bad Home Guard, kum kawei na ka jingpyni nuska ban shim ia ki lad jingiada haba wan kano ka jingjia ba kyrkieh na ka thma.
Ha Nongbah Shillong ia kane ka Mock Dril na ka rukom pynkhreh ban shim ia ki lad jingiada haba don ka thama la pynlong ha St. Anthony’s School, Shillong, ha kaba ka kynhun SDRF bad ki samla pule ki la shim bynta ban shim ia kita ki lad jingiada ha kala pynpah ruh ia ka siren kaba pynsawa kum ha ka por ba don ka thma ban shim ia kita ki lad jingiada.
Ia kane ka Mock Drill la pynlong ne bud ryntih ia ki kyndon kiba dei katkum ka jingbthah na ka Ministry of Home Affairs (MHA), kaba long kum ka jingpynkhrah ba mardor ban shim ia kita ki lad jingiada haba don thma, ha kaba la leh ruh ia kane ka mock drill hadien ka jingshah hiar thma ha ki Lehnoh ha Pahalgam. Ka MHA ka la bthah ia ki jylla bapher bapher ban pynlong ia kane ka Mock Drill, kaba dei shi bynta ban khia halor ki kyndon ka Civil Defence ba kynthup ka jingpynpah ia ka Siren, ka jingpyndum ia ka bording ilektrik ha ki bynta ba shah ktah bad ki lad jingiada ia ki paidbah lada don ka jingpynher ki Missile bad ka jingpynher ia ki lingsuiñ thma.
Kane ka mock drill ne ka jingpynkhreh, ka long shi bynta kum kata ka jingpynkhreh lypa kaba thmu ban shim ia kita ki lad jingiada haba wan ka thma ne kino kino ki jingjia kiba ktah bad kiba pyntieng pynsyier ia ki paidbah bad hap ruh ban leh ia kine ki jingpynkhreh kumba la ai jinghikai ne pynbit pynbiang lyngba ka Civil Defence.
Shuh shuh, kane ka jingpynkhreh ba la khot kum ka Mock Drill Test ka dei ruh ka jingpynkhreh haba wan ka thma bad kumba la sakhi ka India lyngba ka jingiakhun ba la tip kum ka Operation Sindoor ka la ther da ki Missile ha ki 9 tylli ki jaka ha Pakistan bad ha Pakistan Occupied Kashmir (PoK).
