SHILLONG, Jymmang 15: U Union Minister of Communications and Minister ba dei peit na ka bynta ka Development of North Eastern Region, U Jyotiraditya Scindia ha ka sngi Balang jong ka taiew u la ong ba ka jinglong kyrpang ka ri India ha ka pateng ban sa wan ka dei ka jingkiew shaphrang ki jylla shatei Lam Mihngi ka ri India.
Haba kren sha ki lad pathai khubor ha kaba ia dei bad ka Rising North East Investor Summit, U Scindia u la ong, “ kane ka thong ka long ban pynpaw paidbah shapahng ka jingphylla ka Ashta Lakshmi ba ka thew ia ki 8 tylli ki jylla shatei Lam Mihngi ka ri India, kiba long ki jylla ki ban saindur ia ka jingkiew shaprhang jong ka ri India”.
“Ka thong jong u Myntri rangbah ka ri bad ki jingangnud, ka jingiohi jngai jong u, ka long ban pynthikna ba ki jylla shatei lam mihngi ka ri india kin sa long ki jylla kiba long ka nuksa na ka bynta ka pateng ka ri ban kiew shaphrang ha ki liang baroh katkum ka thong jong ka Vikisit Bharat ba la buh thong haduh u snem 2047,” ong katei U Union Minister.
U Scindia ka la ong ruh la ka dei ka 10% jong ka gross budgetary support (GBS) kaba la mang tyngka kumba Shi lak crore man la u snem, ka dei kaba la mang kyrpang ia ki jylla shatei Lam Mihngi ka ri India ban kyntiew ia ka roi ka par bad ka ioh ka kot bad la khein ruh ba ki jylla shatei lam mihngi ka ri India ki long kum ka pdeng ba hakhmat eh ia ka jingkiew shaphrang ka ri India.
“ Ka jinglong tynrai ki jylla shatei lam mihngi ka ri India bad ka jingriew spah ha ki marpoh khyndew bad ha ki khyndew ki shyiap , kan pynkylla ia kane ka thain kum kata ka khyrdop kaba khlain tam sha ka pyrthei ba hap ha ka thain Southeast Asia,” U la ong.
U la ong ruh, “Ha ki thong jong ka 10 snem ba la leit noh jong u myntri rangbah ka ri, ka dei ban kyntiew ia ki jingdonkam ba hakhmat eh kum ka koit ka khiah, ka pule ka puthi bad kiwei kiwei de, ka long ka lad ban pynkhlain ia ka ioh ka kot ka ri India lyngba ki jylla shatei lam mihngi ka ri India bad ban pynpaw sha ka pyrthei ruh de”
Shuh shuh, u Jyotiraditya Scindia u la pyntip ruh ba u Myntri rangbah ka ri u la ai rai ruh ban don bynta ha kaba plie ia kane ka Rising North East investment summit ban sa sakhi da ki myntri sorkar ka ri, ki MP, ki riew shemphang bad kki myntri rangbah jong ki jylla shatei lam mihngi ka ri bad kiwei kiwei de ki riew proh jabieng.
