Shillong, Naitung 04: Ka Dorbar Shnong Nongrim Hills hynne ka sngi ka la kyntait ïa ka jingkren jong u Chief Executive Member (CEM) ka KHADC, u Bah Winston Tony Lyngdoh, haba iadei bad ka jingai NOC iaka Company Blinkit.
Haba ïakren bad ki lad pathai khubor, u Rangbah Shnong ka Nongrim Hills, Bah Bantylli Narry u la pynshai ba iaka NOC ym shym la ai beit sha ka Company Blinkit.
U Bah Bantylli ua ong ba ia ka NOC la ai sha ka Kong Vanita Kurbah naka shnong Rynjah, kaba la ïasoi jingïateh bad ka Blinkit.
Ula ong ba halor ka jingkren u CEM ba ka Blinkit kan ktah ïa kumba 4,000 tylli ki dukan rit ha Shillong, hynrei ka Shillong ka don kumba 6 lak ki nongshong shnong na kine 4 lak ki dei ki hap hapoh ka thup Working Class ne kiba kamai barit bad kiba bylla mynsngi bam da miet.
U la ong ba lada ki paidbah ki lah ban thied mar ha ka dor kaba duna bad ïoh Discount haduh 20%, kan long ka jingmyntoi khraw ïa kiba bun kiba duna ka ïoh ka kot.
Ka Blinkit ruh kan lah ban thaw ïa ki lad jingïohkam thymmai, bad ka Dorbar Shnong ka kwah ba ki samla shnong kin ïoh jingïarap nyngkong ha ka jingthungkam.
U Rangbah Shnong u la kyntait ïa ka jingma ba ka Blinkit kan pynjot ïa ki dukan shnong. U la ong “ki nongthied ki dei ban ïoh ka hok ban jied hi naei kin thied ïa ki mar ki mata”.
U la ai nuksa ba ki rynsan ïew online kum ka Amazon bad Flipkart ki la treikam la slem, hynrei ki dukan shnong ki dang ïai bteng.
U la ong ba kane ka mat ka donkam ïa ka jingïatai paidbah kaba kham jingïar, namar ka ktah ïa ki nongdie, ki nongthied, bad ka ïoh ka kot jong ki paidbah hi baroh.
U la bynrap ba u nongialam ka Liangpyrshah ruh u la pynrem ïa ka jingkren u CEM bad u la kyrshan ba dei ban ai license ïa ka Blinkit ban treikam ha Shillong.
Sa peit ruh
