Shillong, Jylliew 09: U Myntri ba dei peit ia ka tnad pule puthi, u Bah Lakmen Rymbui mynta ka sngi u la pynpaw ba ka jingjynjar ki paidbah na ka jingdheng kali ha Nongbah Shillong ka dei ka jingeh kaba jynjar ban weng ne pynduh noh, da kaba ong ruh ba kum kine ki jingdheng kali ka ktah ruh ha baroh ki jaka ba long lum bad kaba shitom ban pynbeit na ka jingbym don ki jaka ki puta ban pynheh ia ka surok.
Haba kren halor kane ka mat, u Bah Rymbui u la pyniasyrïiem ia ka nongbah Shillong kum ka jylla Sikkim, ha kaba ki don haduh 72, 000 tylli ki Kali kiba rung ba mih tnag hapoh ki lai sngi.
“Kino kino ki jylla ne ki jaka ba long lum ha ka pyrthei, ki mat ia kajuh ka jingeh na ka jingdheng kali bad tang hapoh ki saw sngi ha Sikkim ki don haduh 72,000 tylli ki kali kiba leit sha Sikkim bad ka jia ruh ha Shillong kumjuh kaba jynjar ban weng iaka jingdheng ki kali ka dei namar ba ka long lum bad kaba shitom ban pynheh ia ka surok” ong u Bah Lakmen Rymbui.
U la pruid dak ruh wat la ki paidbah ki mat ia ka jingdheng kali na ka por sha ka por bad ka sorkar ruh ka shim khia da kaba pruid dak ba ka sorkar ka la wan rah kum ka Shillong By-pass, ka Western Bypass bad ka thmu ruh ban tei ia ka surok flyover na Polo sha New Shillong bad ka thmu ruh ban shim jaka ban shna ia ka surok ba pyniasoh na Jowai sha Shillong bad shaduh sha New Shillong ban pynduna ia ka jingdheng kali.
Sa peit ruh
