Shillong, Jylliew 9: U Myntri Sorkar Jylla bad MLA ka Amlarem Constituency, u Bah Lahkmen Rymbui, u la ong ba ka jingtei ïa ka surok Shillong-Dawki kaba dang ïaid shakhmat mynta ka la ktah shisha ïa ka jingïaid jingïeng ki nongjngohkai pyrthei bad ïa ka kamai kajih bad ka ioh ka kot jong ki paidbah ha ki thaiñ Dawki bad Mawlynnong.
Haba kren halor ka jingktah jong ka jingtei surok ïa ka kam jngohkai pyrthei, u Rymbui u la ong ka roi ka par ka long kaba kongsan ban kyntiew ïaki kam jngohkai pyrthei.
“Ka jylla Meghalaya kadei kaba la kyrkhu da ka mariang kaba itynnad shibun. Hynrei ban kyntiew ïa ka kam jngohkai pyrthei, ym lah satia khlem ki surok kiba bha, ka roi ka par bad kiwei pat ki jingdonkam ba kongsan,” ong u Myntri.
Sa pule ruh: 5 Electric Buses Launched For Passenger Service In Shillong
U la ai khublei ruh ïa ka Sorkar Pdeng kaba la mang pisa na ka bynta ka projek Shillong-Tamabil Road bad ong ba ka jingtrei ha kane ka surok ka dang ïaid shaphrang.
U la kyrpad ruh ïaki paidbah ban iaishah namar ka jingma jong la lynti iaid khamtam haka por slap namar ym lah ban len ba mynta ki nongjngohkai pyrthei lyngba kane ka thaiñ ka la duna bad ka la ktah ruh ïa ka jingïoh kamai jong ki paidbah. Hynrei ka dei ka por ban ïaishah bad ban ai jingïatreilang khnang ba kane ka projek kan lah ban pyndep kloi,” u la ong.
Sa peit ruh
