Jowai, Nailar 04: Ki pulit jong ka West Jaintia Hills ki la ioh ba nkem haduh 3 ngut ki runar ba la kynnoh don kti ban pyniap ia uwei u rangbah ba la 28 snem ka rt aba la tip kyrteng kum u El Dameshuliah na ka shnong Luti Tuber, Ïalong, ha kaba ia ka met jong u la lap na Khliehriat, East Jaintia Hills ha ka 31 tarik u Naitung 2026.
Kane ka jingioh kem ki Pulit ka East Jaintia ia kitei ki 3 ngut, ka ddei na ka jingioh bat ki Pulit ka Gumrah na ka Cachar Assam ia kawei ka Kali Alto K10, kaba dei jong utei u rangbah ba la shah pyniap ba la ioh bat ia 2 ngut ha ka 31 tarik u Naitung 2026.
Na ka liang ki Pulit ka West Jaintia Hills ki la rah ia katei ka Kali sha West Jaintia ryngkat kitei ki runar ban pynlong ia ka jingtohkit.
Dei lyngba ki sakhi satar, ki PUlit ki la krem ia u Dapdangkmen Paslein, 26 snem ka rt ana Laskein, u Samuel Ïakai 25 snem ka rta na Umkyrpong bad sa uwei pat ba don kti la tip kyrteng kum u Dunivankmen Sutnga 26 snem ka rt ana Okhaidong ba la ioh kem noh ha ka 4 tarik u Nailar 2026.
Kumba la pyntip da ki Pulit ka West Jaintia Hills, la ong ba baroh 3 ngut la rah noh sha ka ïingkashari bad la dep ruh ban ujor ejehar ha Jowai Police Station bad la pynhap ia ki katkum ki kyndon ka Bharatiya Nyaya Sanhita.
Peit ruh:
Na ka liang ki pulit ka West Jaintia Hills, ki la ia khublei ruh ia ki Pulit ka Gumra kiba la ia trei lang ban ioh kem ia kitei ki runar bad ruh ki la kyrpad ia ki paidbah ba ki dei ban long kiba peitngor bad lada don kino kino ki kam sniew ki dei ban phone ha u hepline number 112.
