Shillong, Rymphang 09:  U Myntri rangbah ka jylla u Conrad K. Sangma mynta ka sngi u la pynbna ba ka sorkar jylla ka la rai ban thung da ka kynhun tohkit ba kyrpang ba la tip kum ka ‘Judicial Inquiry Commission’ na ka bynta ban phah tohkit bniah halor ka jingjia ba sngewsih ba haduh 27 ngut ki mynsiem ba kordor kiba trei ha katei ka par dewiong  ki la duh noh ia la ka jingim na ka daw ka jingbthei ka par dewiong ha ha Mynsngat ba hap ha East Jaintia Hills.

“Ka sorkar jylla ka la rai ruh ban thung da ka Judicial Inquiry Commission ka dei katkum ka Commission of Inquiry Act khnang ban ioh tohkit bniah  halor katei ka jingbthei ka par dewiong” ong u Conrad Sangma, u myntri rangbah ka jylla haba post ka rynsan social media mynta ka sngi.

La pynpaw ruh 2 ngut ki trai par dewiong u Forme Chyrmang (36) bad u Shamehi War (42) ki la shah kem ha ki pulit bad mynta ki dang don sa 3 sngi ha ka jingtohkit ki pulit (Police Custody).

Shuh shuh, la pynpaw ruh ba ki bor sorkar ki dang tohkit bniah bad ruh ban khmih bha ia kito kiba la duh ka jingim bad ruh ka jingtohkit ka jingbteng ban wad ka dang iaid shakhamt ha ryngkat ka jingtohkit kaba la dang iaid shaphrang halor katei ka jingjia ba sngewsih.