Shillong, Rymphang 19: Halor ka jingkhlad kaba kyndit kyndit jong u Dr. Ricky A.J Syngkon, Member of Parliament (MP) ka Lok Sabha naka Voice of the People Party (VPP) na Shillong Seat bad kaba la pynlyngoh shibun eh ia ki paidbah, namar ba ki khlem poi pyrkhat ia ka jingkhlad ba kyndit u Dr. Ricky A.J Syngkon, u Conrad K. Sangma, kum u Myntri Rangbah lem bad u Bah Prestone Tynsong, Symbud Myntri Rangbah, ym tang ba ki la poi mar mar sha Dr. H. Gordon Robert Hospital, na bynta ban leit sngewlem, hynrei kum ki Hehduh ha ka sorkar jylla, ki la phah ruh ia ka khubor sngewlem halor ka jingduhnoh ia u Dr. Ricky A.J Syngkon, uba dei uwei na ki nongialam hapoh ka jylla.
Haba kren sha ki lad Pathaikhubor, u Conrad K. Sangma lem bad u Bah Prestone Tynsong, ki la ong ba ka jingkhlad kaba kyndit kyndit jong u Dr. Ricky A.J Syngkon, ka dei ka jingduhnoh kaba khraw eh ia ka jylla hi baroh kawei, namar u dei u briew uba sngewrit, uba treihok la ka kam bad uba ioh jingieid na baroh ki paidbah ha ka jylla.
Halor kane ka jingkhlad kaba kyndit jong u Dr. Ricky A.J Syngkon, lashai ka sngi ngin sa iakren bad u Lamphang ka sorkar jylla, na bynta ban pynsangeh shwa ia kane ka Dorbar Mang Tyngka, kata kaba long kum ka dak ban pynpaw ia ka jingsngewlem halor ka jingkhlad u Dr. Ricky A.J Syngkon, ong u Conrad K. Sangma.
