Ha ka jingiakhun hapdeng ka Argentina pyrshah ia ka Chile ha ka Copa America 2024, ka Argentina ka la ioh ban khur ia ka namjop hadien ba ka la lah ban pynliem noh ia ka Chile da 1-0 bad ia katei ka kol kaba kongsan jong ka Argentina, la ioh ban thep da u L. Martinez ha ka minit ba 88, kata shwa ba ka jingiakhun kan poi sha kaba kut noh.
Ha kawei pat ka jingiakhun, kaba la long hapdeng ka Canada pyrshah ia ka Peru, ka Canada ka la ioh ban khur ia ka namjop, hadien ba la lah ban pynliem noh ia ka Peru, lyngba ka shikol ia kaba la thep da u J. David ha ka minit ba 74 jong ka jingiakhun.
Ha ka Group A ki don saw tylli ki ri kiba iakhun ia ka Copa America, kita ki kynthup ia ka Argentina, Canada, Chile bad Peru. Kumba ka long mynta ka Argentina ka la lamkhmat na katei ka Group, bud sa ka Canada, ka Chile bad Peru.
