Delhi, Lber 10: U Myntri rangbah duh ka ri India, u Narendra Modi u la ai khublei kyrpang ia ka kynhun ialehkai Cricket ka India, kaba dei hadien ba ka la ioh khur ia ka nam jop ha ka ICC Champions Torphy ba la iakhun phainal hynnin ka sngi u Blei ha Dubai.
U Myntri rangbah ka ri, kumba u la pynpaw ha ka X, u la ong, “ ba kane ka jingialehkai ka India pyrshah ia ka New Zealand ka long ka jingialehkai kaba kham kyrpang bad ka kynhun ka la pynmih ruh ia ka jingjop ba kham kyrpang”.
U Myntri rangbah ka ri, u Narendra Modi, u la pynpaw ruh da kaba ong, ba ka long ka jingsarong ia ka kynhun ialehkai Cricket ka India ba ka la lah ban wan rah sha la ka ri ia ka ICC Champions Trophy. Ka kynhun ka la ialehkai bha ha kane ka tournament bad ka jingkhublei kaba kyrpang ka leit sha ka kynhun hi baroh kawei na ka jingjop jongka ha baroh ki liang.
